Non fai falta a voz

Todos os animais teñen a súa voz.

O can ladra.
Os cachorriños responden.

O gato miaña.
Os gatiños… tamén!

E a xirafa?

A xirafa non ten voz.
E a xira?ña, aínda menos!

Pero a xirafa ten un pescozo moi longo…
Tan longo que, con el,
acariña a súa cría.

Canto máis nos poden transmitir un xesto, un aloumiño, unha mirada cómplice? Tal e como nos lembra Armando Quintero neste álbum; non fai falta a voz para mostrar cariño ou dicir cousas bonitas como quérote…

O contacto físico como mostra de afecto é imprescindible para o desenvolvemento emocional dos pequenos: dálles seguridade, favorece a súa autoestima e mellora a confianza en si mesmos e tamén nos demais. Neste aspecto, inciden tanto o texto de Armando Quintero como as imaxes de Marco Somá.